ხელოვანმა ანდრო დადიანმა შემოქმედებითი კარიერა 2017 წელს დაიწყო. მისი ნამუშევრები ძირითადად სოციალური თემების კვლევას ეთმობა და რეფლექსირებს ქვეყანაში მიმდინარე მოვლენებზე, მწვავე პოლიტიკურ თუ საზოგადოებრივ დილემებზე. ხელოვანი საკუთარ თავს პერფორმანს არტისტს და პოეტს უწოდებს და მუშაობს სხვადასხვა მედიუმებში მათ შორის ინსტალაცია, ფოტოგრაფია და ქანდაკება.

ანდროს ნამუშევრები ხშირად იფინება საქართველოში და მის ფარგლებს გარეთ, მათ შორის ღია სივრცე/open space, თბილისის სახელმწიფო სამხატვრო აკადემია, Tbilisi Oxygen, Tbilisi Online Biennale, Warsaw Gallery Weekend. 2020 წლიდან ხელოვანი ქმნის პერფორმანსების სერიას, ‘მოხელე’, კუნსთჰალე თბილისთან თანამშრომლობით. 2021 წელს ანდრომ გამოსცა მისი პირველი ლექსების კრებული ‘განსაწმენდელი’.

ანდრო დადიანი პერფორმანს არტისტი და პოეტია. მისი პოეტური პერფორმანსები ხშირად ქვეყანაში გაბატონებულ მწვავე სოციალურ ყოფას ეხება. ამასთანავე, ხელოვანის შემოქმედებაში დიდი ადგილი უკავია იდენტობის კვლევას, როგორც ერთგვარი რეფლექსია საზოგადოებაზე და მის პირად გამოცდილებებზე. ანდროს ბიოგრაფიაში ვკითხულობთ:‘ვინაიდან, საქართველო ერთ-ერთი ყველაზე ჰომოფობიური ქვეყანაა, არტისტს ქვეყანაში დარჩენისა და სოციალური თვითგადარჩენისთვის ფსევდონიმით და ნიღბით უწევს თავის პრეზენტირება. ანდრო დადიანი თავის ქვეყნის ერთ-ერთი ცნობილი არტისტია, თუმცა მისი საქმიანობის შესახებ საკუთარ ოჯახშიც კი არ იციან. ეს რეპრესირებული ბუნება კი მის ნამუშევრებს მკაფიო და ემოციურ ხასიათს სძენს.’