შვიდი წინადადება დროზე
მარიამ აქუბარდია, რუსკა ბადრიაშვილი, ანა კეზელი, სანდრო სულაბერიძე, ანა ჩადუნელი, თიკო ხარხელაური და გვანცა ჯიშკარიანი

09/05/22 - 29/05/2022

​

The Why Not Gallery და Ria Keburia Residency მოხარულია წარმოგიდგინოთ ჯგუფური გამოფენა ‘შვიდი წინადადება დროზე’.

სახელოვნებო რეზიდენციის შემაჯამაბელ გამოფენაში მონაწილეობენ ხელოვანები მარიამ აქუბარდია, რუსკა ბადრიაშვილი, ანა კეზელი, სანდრო სულაბერიძე, ანა ჩადუნელი, თიკო ხარხელაური და გვანცა ჯიშკარიანი. თითოეული მათთაგანი, აბსოლუტურად განსხვავებულად აზროვნებს და მუშაობს, და შესაბამისად სრულიად განსხვავებული შემოქმედებითი პროცესი გაიარა კახეთში ყოფნის დროს და ამ გამოცდილების სხვადასხვა ასპექტზე მოახდინა რეფლექსია. ზოგისთვის მთავარი ინსპირაციის წყარო უკაცრიელი, ნახევრად დათოვლილი მშვიდი პეიზაჟები იყო, მარადიულობის, დროისა და უდროობის რადიკალურად განსხვავებული აღქმა. ზოგისთვის კი რეზიდენციის ჰარმონიული გარემო ერთგვარი ტრიგერი აღმოჩნდა, ბიძგი და გამოწვევა ჩაღრმავებოდნენ და ეფიქრათ ომზე დღეს, საკუთარ ომზე, მეხსიერებაში დალექილ ომზე, გადმოცემით ნასწავლ ომზე და იმაზე, თუ რა შემორჩება ამ გამოცდილებიდან ისტორიას.