ნიკა ქუთელია

CHARITSKHES, DE?

15/09/22 - 23/10/2022

The Why Not გალერეა მოხარულია წარმოგიდგინოთ ნიკა ქუთელიას პირველი სოლო გამოფენა თბილისში „ჩარიცხეს, დე?“. ნიკა ახალგაზრდა ხელოვანია, რომელიც უკვე მრავალი წელია ციფრულ ხელოვნებაში მუშაობს. დაბადებული სოხუმში, ბავშვობიდანვე მიჩვეულია საცხოვრებელი ადგილის მუდმივად ცვლას და ახალ დინამიკაში ყველაფრის თავიდან დაწყებას.

 

ნიკა ამ გამოფენაში პერსონალურ, ამავდროულად, 6200 ადამიანისთვის საერთო ისტორიებს უღრმავდება და საკუთარი ვიზუალური ენით გვიყვება. მსხვრევადი, ზღვით სავსე გული და შინაგანი ბავშვი, ომში ნაპოვნი ერთობა და დნობადი დროით გადაფარული იდენტობები. „მინდოდა მეჩვენებინა, წარსულის რამდენი ნაგლეჯი დარჩა ჩემს მეხსიერებაში. ამბები დღევანდელ, არაჯანსაღ სამყაროზე, ნათესავების ისტორიები ომზე, ომის შემდგომ ცხოვრებაზე; ერთმანეთის დახმარებასა და ერთმანეთის სიძულვილზე. მინდოდა მეჩვენებინა ლაქა, რომელიც დროის გასვლასთან ერთად არ იცრიცება. მინდოდა მეჩვენებინა ჩემი შინაგანი ბავშვი, რომელიც ამ ყველაფერთან ერთად, დღემდე ცოცხალია“.

ფოტოები : სანდრო სულაბერიძე

პრესა: