ემირ ბურჯანაძე - პრინტები

ემირ ბურჯანაძე
პრინტი ფურცელზე, 29.7 x 42 სმ
შეზღუდული ტირაჟი
 
ემირ ბურჯანაძე (1937 – 2014)
ქართველი ხელოვანი, გრაფიკოსი და მხატვარ-მონუმენტალისტი ემირ ბურჯანაძე გრაფიკული ხელოვნების წამყვან მიმართულებებს ავითარებდა. მისი შემოქმედება მოიცავს დაზგური გრაფიკის, წიგნის გაფორმების, სამრეწველო გრაფიკისა და ჰერალდიკის ნიმუშებს. ხელთქმნილი სიმბოლიზმი - ასო-ნიშნების და ორნამენტის მრავალწახნაგოვანი უზადობა ემირ ბურჯანაძის უნიკალური ხელწერაა. XX საუკუნის 60 წლებიდან 2010-იან წლებამდე ხელოვანი ხანგრძლივად ამუშავებდა რელიგიურ- სიმბოლისტურ თემატიკას, იკვლევდა ეროვნულ საკითხებს - ქართულ შრიფტს, არქიტექტურასა და ორნამენტს. 1973 წლიდან ხელმძღვანელობდა თბილისის სახელმწიფო სამხატვრო აკადემიის შრიფტის სამეცნიერო-კვლევით ლაბორატორიას. შექმნილი აქვს თბილისის გერბი,
ჰერალდიკის არაერთი ნიმუში, გაფორმებული აქვს ქართულ ლიტერატურასა და მეცნიერებაში საეტაპო მნიშვნელობის წიგნები, მათ შორის „ვეფხისტყაოსანი“, სულხან-საბას „სიბრძნე სიცრუისა“. ემირ ბურჯანაძის შემოქმედებითი „ხაზი“ გამოირჩევა გრაფიკული ტექტონიკისა და ფორმათგრძნობის ესთეტიზირებით, რაც უახლესი ქართული ხელოვნების ისტორიას თვითმყოფად კანონიკურ მნიშვნელობას მატებს.