გვანცა ჯიშკარიანი (1991, რუსთავი) მულტიმედია ხელოვანი და კურატორია. მან დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი (2013), შემდეგ გაიარა არაფორმალური სამაგისტრო პროგრამა თანამედროვე ხელოვნების ცენტრ-თბილისი (2015).

ჯიშკარიანის მხატვრული პრაქტიკა მოიცავს სხვადასხვა ინტერესებს, საქართველოს მდიდარი კულტურული მემკვიდრეობიდან საბჭოთა პროპაგანდისტული ხელოვნების გავლენებამდე. ის იკვლევს წარსულიდან დარჩენილ ანაბეჭდებს და თამაშობს დღევანდელი და ხვალინდელი დღის სურათებსა და გავლენებზე. მხატვარი ხშირად იყენებს იუმორს ღრმად პირადი და ძალიან აქტუალური თემების განსახილველად. 

 

დაბადებული ქვეყნის დამოუკიდებლობის წელს, ხელოვანი გაიზარდა უაღრესად ტურბულენტურ გარემოში, რომელსაც ახასიათებდა ყველანაირი ქაოსი და გაჭირვება. როგორც ხელოვანი, ის ხშირად იკვლევს ამ გამოცდილებას, რამაც განსაზღვრა არა მხოლოდ მისი პირადი მოგზაურობა, არამედ მისი სამშობლოს კოლექტიური ნარატივი. თავის ნამუშევრებში გვანცა იკვლევს საეჭვო სიტუაციებსა და უკიდურესი დაუცველობის განცდებს, ამავდროულად ავლენს საოცარ გამძლეობას ამ სენსიტიურობებზე ნავიგირებისას.

 

ჯიშკარიანი ხშირად  იფინება როგორც საქართველოში, ასევე მის ფარგლებს გარეთ, მათ შორის ნიუ-იორკში, მიუნხენში, ბრიუსელში, ვენაში, პრაღაში, ციურიხში, მიუნხენში, ვარშავაში, ნეაპოლში. 2021 წელს მას გადაეცა Prince Claus foundation Seed award. 2020 წელს იყო არჩეული Forbes 30 under 30 ჩამონათვალში. 2019 წელს NARS Foundation Studio Grant, ნიუ იორკი და 2017 წელს ხელოვანმა მიიღო წინანდლის პრემია ვიზუალურ ხელოვნებაში. 

 

მისი ნამუშევრები არის მრავალი ცნობილი კერძო და საჯარო ხელოვნების კოლექციების ნაწილი, როგორც ქართული, ასევე საერთაშორისო, მათ შორის: Alain Servais Collection, Collezione Taurisano, UAE-ს სამეფო ოჯახის კოლექცია, TBC Bank კოლექცია, ვასილი წერეთლის კოლექცია, აბრეშუმის სახელმწიფო მუზეუმი, საქართველო და სხვა.

გარდა შემოქმედებითი პრაქტიკისა, ჯიშკარიანს არანაკლებ აქტიური კურატორული კარიერა აქვს. ის არის თბილისში დაფუძნებული გალერეების PATARA Gallery (2017) და The Why Not Gallery (2018) თანადამფუძნებელი, რომელიც მიმართულია ახალგაზრდა ხელოვანების მხარდაჭერაზე. იგი კურირებდა თბილისის ფოტოფესტივალის ფოტოგრაფიის ღამეს (2017, 2018, 2019). ჯიშკარიანი იყო ხელოვნებისა და მოდის პირველი თანამედროვე ქართული ჟურნალ „გარ-გარის“ დამფუძნებელი (2013-18).