ნატა ვარაზი (დ. 1991) ახალგაზრდა თვითნასწავლი მხატვარია. მიუხედავად იმისა, რომ იგი ხელოვანების ოჯახიდან არის, პირველადი განათლება იურისპრუდენციაში მიიღო. თუმცა, მისი დახვეწილი ხელწერა, კარგად გააზრებული ფერთა პალიტრა და სრულყოფილებისადმი ასეთი სწრაფვა ნაკლებად ტოვებს აკადემიური ხატვის არცოდნის შთაბეჭდილებას. ნატას ნამუშევრებში იგრძნობა ხელოვანის დაინტერესება სახვითი ხელოვნების ისტორიით, განსაკუთრებით სიურეალიზმის მიმდინარეობით, რომელიც ერთგვარ აღზევებას განიცდის დასავლური თანამედროვე ხელოვნების სცენაზე. მის ნახატებში განსაკუთრებით საინტერესოა თუ როგორ ერწყმის თანამედროვეობისთვის აქტუალური თემატიკა ტრადიციული გამოხატულების ფორმებს. ნატას ნამუშევრების პირველი საჯარო გამოფენა მოხდა 2022 წელს გამოფენაზე ‘ბოდიში, ყვავილები არ გვაქვს’ The Why Not Gallery.