ახალგაზრდა მხატვარი ლოლა (2001 წ. თბილისი) სწავლობდა საქართველოს საზოგადოებრივ საქმეთა ინსტიტუტის (GIPA) აუდიო-ვიზუალური და მედიახელოვნების ფაკულტეტზე, მაგრამ პირველი წლის დასრულების შემდეგ მიატოვა სწავლა. 2018 წლიდან მხატვარმა აქტიურად დაიწყო ხატვა, ექსპერიმენტაცია სხვადასხვა მასალასა და ტექნიკაში და შედეგების ონლაინ გაზიარება. მალე მან ხელოვნების სამყაროს ყურადღება მიიპყრო და პირველად ჯგუფურ შოუში CANILEAVENOW გამოიფინა მაუდი, თბილისში.

 

ლოლას განსხვავებულ და მეტად საინტერესო ხელწერით შესრულებულ ნამუშევრებში რეფერენსების მთელი ოკეანე იკითხება, როგორც თავად ხელოვანი ამბობს ‘ინსპირაცია არის შუა საუკუნეების ილუსტრაციები, სხვადასხვა კულტურები, სამეცნიერო დარგების სიმბოლიკა, ემბრიოლოგია, არქიტექტურა, მუსიკა... მათი ზედმიწევნით შესწავლის გარეშე, ნანახის და მოსმენილის ტრანსფორმაციით და შერევით ვქნმი თითოეულ ნამუშევარს. შედეგით და ნამუშევრებზე დაკვირვევით იმაზე მეტ პასუხს ვპოულობ ვიდრე უბრალოდ ფიქრით.’