გვანცა ჯიშკარიანი
ყველაზე მაგარი სიახლე

დიდი სიამაყით გვინდა გამცნოთ, რომ ჩვენი ძვირფასი ხელოვანი ვანცა ჯიშკარიანი Prince Claus Seed Awards 2021 გამარჯვებულია!

 

ყოველწლიურად ნიდერლანდების სამეფოს ფონდი Prince Claus Fund for Culture and Development აღნიშნავს 100 გამორჩეულ ახალგაზრდა ხელოვანს მსოფლიოს მასშტაბით და აჯილდოვებს მათ საკუთარი შემოქმედებითი შემართებისა და მონდომებისთვის. გვანცამ პრიზი მიიღო მისი სახელოვნებო და კურატორული პრაქტიკისთვის, უშრეტი ენთუზიაზმისა და ენერგიისთვის, რომელსაც დებს ყველაფერში, რასაც აკეთებს და იმ პოზიიური ცვლილებების მნიშვნელობის გამო, რომელსაც მისი ნამუშევრები ქმნიან ქართულ და რეგიონულ სახელოვნებო სივრცეში.

 

გვანცა ჯიშკარიანი პირველი ქართველი ხელოვანია რომელმაც პრინც კლაუსის ფონდის ეს ჯილდო მიიღო!

 

გვანცას შემოქმედებითი პრაქტიკა, როგორც ხელოვნება, ასევე საკურატორო პროექტები, რეფლექსირებენ ხელოვანის უშუალო გარემოზე, პირად გამოცდილებებსა და სოციო-პოლიტიკურ რეალობებზე. ხელოვანი ბევრს სხვადასხვა მასალასა და ტექნიკაში მუშაობს, რაც ხშირად ქართული კულტურული მემკვიდრეობით ინსპირირებული, შემდეგ კი აბსოლუტურად განსხვავებულადაა ინტერპრეტირებული. მის ბოლო პერიოდის შემოქმედებაში აქტიურად იყენებს ტრადიციულ ხელსაქმესა და ხელოსნობის მეთოდებს: მოზაიკა, გობელენი, აშ. რითაც არტისტი რეფლექსირებს საკუთარ ემოციურ და მისი თაობის კოლექტიურ მეხსიერებაზე და აქამდე თანამედროვე ხელოვნების გარეთ აღქმულ ამ მეთოდებს, სიცოცხლეს უბრუნებს.

Gvantsa Jishkariani.gif

გვანცა ჯიშკარიანმა (დ.1991) დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი, შემდეგ გაიარა არაფორმალური სამაგისტრო პროგრამა თანამედროვე ხელოვნების ცენტრ-თბილისში.  მას შემდეგ ხელოვანი აქტიურად იფინება, როგორც საქართველოში, ასევე მის ფარგლებს გარეთ, მათ შორის ბრიუსელში, პრაღაში, ციურიხში, დუსელდორფში, ნეაპოლსა და ბაქოში.

 

გვანცა არის „პატარა გალერეა“ და „The why not გალერეა“ თანადამფუძნებელი. 2020 წელს იყო არჩეული Forbes 30 under 30 ჩამონათვალში, 2017-2019 წლებში გვანცა იყო თბილისის ფოტო ფესტივალის „ფოტოგრაფიის ღამე“-ს კურატორი. 2019 წელს NARS Foundation Studio Grant, ნიუ იორკი და 2017 წელს ხელოვანმა მიიღო წინანდლის პრემია ვიზუალურ ხელოვნებაში. გვანცა იყო ხელოვნებასა და მოდაზე პირველი ქართული ონლაინ ჟურნალის გარ-გარ-ის დამფუძნებელი და ავტორი(2013-18).